返學、讀書、升學、揀科、為你嘅將來揀大學
入大學，跟住畢業，然後去個畢業旅行，接住就搵份工
搵扮好工，緊係要人工高、福利好，升職、加薪、結婚、生仔
買車、買樓、供書教學，期望子女成才
轉眼間可以退休、享受人生，同埋環遊世界
呢個好似就係香港人成功嘅方程式
十年前自己做咗一個好瘋狂、 好無理性嘅決定：
Quit 咗份工、裸辭
有另一份工嘅 Offer 我都無要到，走去學人創業，All In！
跳咗落呢個大海，先至學點樣創業求生，當年仲要係金融海嘯 ，到依一刻，我咁就玩咗超過十年喇！
我仲記得當年無咩人講初創 Start-Up，因為果時完全都唔興！
人生唔一定有既定嘅 Formula，
而且仲可以有好多可能性，
如果你活喺人哋嘅期望同比較之下，
你就會越嚟越唔開心，會迷失自己，甚至喺到浪費緊生命，
好多時候，其實我哋更加需要學習，
點樣去擺脫外在嘅雜音， 而需要自己靜落嚟，
敏感同埋聆聽自己內心嘅情感同聲音，
你就會發現，其實自己裡面有好多理想同熱情失落咗，
會成功定係會失敗，可能都係一線之差
//////////////
你嘅決定會直接影響你嘅將來
如果喺呢一刻，你選擇咗放棄
咁呢個遊戲、呢場比賽就玩完
//////////////
咁若果你呢刻決定堅持，面對困難、面對真實嘅自己
堅持同恐懼同埋憂慮搏鬥
經過年日嘅磨練，你就會發現自己成長咗、突破咗
原來你係可以變得更加強大同堅定！
我相信每個人有佢嘅天賦同埋能力
如果我哋都發揮興趣、能力同創意
令我哋身邊嘅人同埋事變得更好
當我哋成長到我哋嘅安全感、認同感
唔再單單係嚟至一份工作、一份收入嘅時候
我哋嘅滿足感、我哋嘅自信，嚟自我哋對目標嘅追求
我相信我哋嘅生活、我哋自己會變得更加開心同自由
大家好，我係 PK 我喺呢十年，
有幸將自己嘅興趣轉化成為工作同埋事業
由一個人，變咗一個團隊
經歷過合夥、拆夥，
被讚賞過，亦都被否定過
賺賺蝕蝕、高高低低
我今日仍然喺呢一個旅程上面歷練緊
我要多謝好多人為我打氣同埋幫助
所以我決定跳出框框
開咗UNLOCK YouTube Channel 及UNLOCK.Coach創業資訊網頁
希望去回饋同我一樣想追夢想創業嘅朋友，
同埋會分享有關香港經營網上生意及創業嘅故事、技巧、增加收入方法、資源工具，
講吓當中成功失敗經歷
仲有創業嘅思維同方式，
一齊探索成長嘅過程，透過學習、交流、實踐，帶嚟正面嘅改變！
想了解熱門香港電商平台(Shopify/Shopline/woocommerce…)、建立網店(WordPress/wix)、
經營Youtube Channel、開公司、創業課程等的資訊?
歡迎 Subscribe UNLOCK Youtube Channel 及UNLOCK.Coach創業資訊網頁
Subscribe UNLOCK Channel
Unlock會聚焦夢想 x 心態 x 技能相關的創業主題，為打算網絡創業的朋友分享知識和教學，主題包括：網店網頁設計教學 UI/UX Web Design、Digital Marketing的營銷教學、網上生意營運策略、成長心態GROWTH MINDSET等。踏出第一步，走一段不一樣的旅程。
誠邀您訂閱 UNLOCK 頻道，並分享給朋友，一起「UNLOCK」您的潛能和無限可能性！
